Thursday, November 09, 2006

Nikii twekire

Kari kii twekire? bururi uyu wa andu airu, bururi mwega twaheirwo ni Mwene Nyaga. Bururi wari na iriya na uki, riu uri na mathina migokoro. Itonga ciahuria na athini nao mahurie, ciakuhuria ciathira, itonga no mukarira muthini akirira.

Ni hari undu umwe uguo tungiitiya naguo. Ti ruthiomi, ti ugi, ti unduire. Njira nikii tungiitiira?

Acia ngwire atiri, tiga ari urimu na mwitiyo ona kwimena, bururi uyu waheirwo ritwa ria goro muno rina urutani munene muno. Ritwa Kenya, riumanite na ritwa ria ugikuyu 'kirinyaga'. Thiini wa bururi wa Agikuyu gwi kirima kinene muno na njiguaga nikio gia keri kuneneha Afrika yothe. Kirima giki gi kimeni kieru haria gacumbiri, na nikio gitaguo kinyaga kana nyaga. Niho mugikuyu etikitie ati Ngai wao aikaraga tondu ni handu heru na hatheru muno muno.

Kai utoi ati bururi wa Kenya uri na kinyaga, uguo ni takuga atiri, andu a nduriri ciothe ciathi matingiriguo ni bururi uyu tondu uri na maundu maigweta mehithete thiini waguo. Nikio ukuona Kenya niyorotagwo na ikamenyeka muno makiria ni mabururi maria mangi.

Rekei twitiye na kihumo gitu na unduire uria ithui tui, turugame na kinyi na tuonie andu athi yothe ona ithui twina maundu tui na maria mangithomuo niyo. Tutigei gutugiria maundu mene tutigite maito.

Ngwenda unjire atiriri. Nduriri cia Caina (China), Ahindi (India), ona Athungu kana nimatiganire na unduire wao. Rora umuthi uyu ni twiriragiria na tukamahe gitiyo ni maundu macio. Ona ithui no tuheo gitiyo na twiriririo muno kinya mokage gutwirorera na guthoma. Gutire bururi wa ruraya wateyaneirie ruthiomi rwao. No guku gwitu twiyonaga kai tureka mahitia gutumira ruthiomi rwitu. Kumenya thiomi nyingi na cia nduriri ni kiheo kinene na kiega. No tikuga ati tuteyanirie ruria tui.

Tigai kwemena, kwinyihia, gwitharau tondu wa ruthiomi na maundu ma unduire.

5 comments:

eaco said...
This comment has been removed by a blog administrator.
skypesoasis said...

Nik tuekire adu aitu, niwega tumenye ati gutiri udu ungigiria tuake bururi uyu witu tiga uguta witu!
Rekei tunyitane mooko, tutuarane ruendoini ruru rwa guaka bururi witu na gochokia ngatho kuri mwene nyaga.
thaai thathaiya Ngai thaai.

Unknown said...

Awesome piece Kimani. Niwega múno.Andu nimekwendwo mamenye úguo

Unknown said...

Awesome piece Kimani. Niwega múno.Andu nimekwendwo mamenye úguo

Unknown said...

Nindakenio muno ni waandiki waku. Ngai witu akurathime.

Thengio muno,