Marimũ ma nyakondo

 ũrĩ waigua ng'ano cia marimũ? urĩ weciria kana nĩ cia ma?  ũtuĩria wakwa menyete icio ti ng'ano cia gwĩthugundĩra o ũguo. No kũhotekane atĩ agĩkũyũ nĩmatũnganĩte na marimũ tene, tondũ ũhoro ũyũ nĩ ũraringana na mandiko ma ibuku rĩa Ngai (Gen 6:4, Numbers 13:33 na Deut 3:11 and joshua 11:21-22).

ũyũ nĩ ũndũ wa magegania atĩ agĩkũyũ marĩ okuo kinya mbere ya Jesũ gũciarwo.
 

ndiretikia ati umemerekia na gikuyu no ukorwo wi mwega uu. Ungikorwo niukoretwo ukirorera tv ya inooro no ugege niundu wa cama na mubango mwega wa kumemetekia.
aria maturite ukombo-ini wa kwimena na ndamathia ya ukabira, mekwenda mahoya na urekeri. Mamenye Ngai ndombire nduriri na mahitia.
Mundu utari na unduire na ruthiomi rwake no ngombo. Nyumba yakagwo ni andu maraiguana rurimi. Hingo iria njamba yetagwo Nimrod athanire make ngoroba ya Babel, Ngai we mwene niaikurukire guku thi na agitua itua ati gutire hingo andu makaria na ruthiomi rumwe ringi na kuma hau nduriri ikianjia gutamba thi yothe.
Ruthiomi rwaku rutumaga ukure ki meciria, kiwonjoria, mitugo na uthii wa na mbere ta nduriri cia ruraya, caina, japani, koreya.
Theremia rururi rwaku.
kimani wa ng'ang'a

Nikii twekire

Kari kii twekire? bururi uyu wa andu airu, bururi mwega twaheirwo ni Mwene Nyaga. Bururi wari na iriya na uki, riu uri na mathina migokoro. Itonga ciahuria na athini nao mahurie, ciakuhuria ciathira, itonga no mukarira muthini akirira.

Ni hari undu umwe uguo tungiitiya naguo. Ti ruthiomi, ti ugi, ti unduire. Njira nikii tungiitiira?

Acia ngwire atiri, tiga ari urimu na mwitiyo ona kwimena, bururi uyu waheirwo ritwa ria goro muno rina urutani munene muno. Ritwa Kenya, riumanite na ritwa ria ugikuyu 'kirinyaga'. Thiini wa bururi wa Agikuyu gwi kirima kinene muno na njiguaga nikio gia keri kuneneha Afrika yothe. Kirima giki gi kimeni kieru haria gacumbiri, na nikio gitaguo kinyaga kana nyaga. Niho mugikuyu etikitie ati Ngai wao aikaraga tondu ni handu heru na hatheru muno muno.

Kai utoi ati bururi wa Kenya uri na kinyaga, uguo ni takuga atiri, andu a nduriri ciothe ciathi matingiriguo ni bururi uyu tondu uri na maundu maigweta mehithete thiini waguo. Nikio ukuona Kenya niyorotagwo na ikamenyeka muno makiria ni mabururi maria mangi.

Rekei twitiye na kihumo gitu na unduire uria ithui tui, turugame na kinyi na tuonie andu athi yothe ona ithui twina maundu tui na maria mangithomuo niyo. Tutigei gutugiria maundu mene tutigite maito.

Ngwenda unjire atiriri. Nduriri cia Caina (China), Ahindi (India), ona Athungu kana nimatiganire na unduire wao. Rora umuthi uyu ni twiriragiria na tukamahe gitiyo ni maundu macio. Ona ithui no tuheo gitiyo na twiriririo muno kinya mokage gutwirorera na guthoma. Gutire bururi wa ruraya wateyaneirie ruthiomi rwao. No guku gwitu twiyonaga kai tureka mahitia gutumira ruthiomi rwitu. Kumenya thiomi nyingi na cia nduriri ni kiheo kinene na kiega. No tikuga ati tuteyanirie ruria tui.

Tigai kwemena, kwinyihia, gwitharau tondu wa ruthiomi na maundu ma unduire.

Wirute gikuyu

We murata wakwa wa nyumba ya mumbi. Ni ihoya riakwa undeithie gutambia ruthiomi ruru rwa gikuyu. Reke turutane gikuyu kuri mundu o wothe ungienda gukimenya.

Ungikorwo na kiuria kana undu ungienda andu mamenye. Andika riu, kana urie na ni ugucokerio.

Ni nii Kimani Wa Ng'ang'a